17

സർവകലാശാല പഠനവകുപ്പുകളിലെ രണ്ടാം സെമസ്റ്റർ (സിബിസിഎസ്എസ് - സപ്ലിമെന്‍ററി - 2023 അഡ്മിഷൻ മുതൽ) എംഎ/എംഎസ്‌സി/എംബിഎ/എം . ലിബ്‌ ഐഎസ്‌സി - സപ്ലിമെന്‍ററി ജൂൺ 2026 പരീക്ഷകളുടെ ഹാൾടിക്കറ്റ് (പ്രൊവിഷണൽ), നോമിനൽ റോൾ എന്നിവ സർവകലാശാല വെബ്‌സൈറ്റിൽ ലഭ്യമാണ്.

പ്ലസ്ടു വിദ്യാർഥികൾക്കു ഫിസിക്സ്,കെമിസ്ട്രി തത്സമയ പ്രവേശനം

പയ്യന്നൂർ കാമ്പസിലെ ഫിസിക്സ്, കെമിസ്ട്രി പഠന വകുപ്പുകൾ നടത്തുന്ന അഞ്ചുവർഷ ഇന്‍റഗ്രേറ്റഡ് ബിരുദ പ്രോഗ്രാമിൽ ഒഴിവുള്ള ഏതാനും സീറ്റുകളിലേക്ക് തത്സമയ പ്രവേശനം നടത്തുന്നു. പ്ലസ്ടു സയൻസ് (കുറഞ്ഞത് 50 ശതമാനം മാർക്ക്) യോഗ്യത ഉള്ളവർ 2026 സെപ്റ്റംബർ 19 ന് രാവിലെ 11 ന് കണ്ണൂർ സർവകലാശാലയുടെ പയ്യന്നൂർ കാമ്പസിൽ എത്തേണ്ടതാണ്. ഫോൺ: 04972806401, 9497720572.

ജ്യോഗ്രഫി വകുപ്പിൽ വിരമിച്ച അധ്യാപകർക്ക് അവസരം

കണ്ണൂർ സർവകലാശാലയുടെ പയ്യന്നൂരിൽ പ്രവർത്തിക്കുന്ന ആനന്ദ തീർഥ കാന്പസിലെ ജ്യോഗ്രഫി പഠനവകുപ്പിൽ മണിക്കൂർ വേതനടിസ്ഥാനത്തിൽ അധ്യാപക നിയമനത്തിനായി വിരമിച്ച അധ്യാപകരിൽ നിന്നും അപേക്ഷ ക്ഷണിക്കുന്നു. താത്പര്യമുള്ളവർ 22ന് രാവിലെ11 ന് പഠന വകുപ്പിൽ നടക്കുന്ന അഭിമുഖത്തിൽ അസൽ സർട്ടിഫിക്കറ്റുകളുമായി ഹാജരാകേണ്ടതാണ്. ഫോൺ: 9447085046.

പരീക്ഷാ ടൈംടേബിൾ സർവകലാശാല വെബ്സൈറ്റിൽ

കണ്ണൂർ സർവകലാശാല പഠന വകുപ്പുകളിലെ രണ്ടാം സെമസ്റ്റർ എംഎ/ എംഎസ്‌സി/ എംഎൽഐ എസ്‌സി/ എംബിഎ/എംപിഇഎസ് (സിബിസിഎസ്എസ്-സപ്ലിമെന്‍ററി) ജൂൺ 2026 പരീക്ഷാ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.

കണ്ണൂർ സർവകലാശാല അഫിലിയേറ്റഡ് കോളജ്/ കാമ്പസ് വിദ്യാർഥി യൂണിയൻ തെരഞ്ഞെടുപ്പ്

കണ്ണൂർ സർവകലാശാല അഫിലിയേറ്റഡ് കോളജ്/യൂണിവേഴ്‌സിറ്റി കാമ്പസ് വിദ്യാർഥി യൂണിയൻ 2026-27 തെരഞ്ഞെടുപ്പ് ഇന്നു നടക്കും. വോട്ടെടുപ്പ് രാവിലെ 9.30 മുതൽ ഉച്ചയ്ക്ക് 12.30 വരെയാണ് നടക്കുക. ഉച്ചയ്ക്ക് രണ്ടിന് വോട്ടെണ്ണലും, തുടർന്ന് ഫല പ്രഖ്യാപനവും നടത്തുന്നതാണ്.
പടന്നക്കാട്, സി.കെ. നായർ ആർട്സ് ആൻഡ് മാനേജ്മെൻറ് കോളജിൽ 22 നാണ് തെരഞ്ഞെടുപ്പ് നടത്തുന്നത് .